ශ්‍රී ලංකා දේශපාලන ඉතිහාසය සහ ජාතික ජන බලවේගය!

අවසන් මැතිවරණ ප්‍රතිඵලවලට අනුව අනුරකුමාර දිසානායක ඡන්ද 5634915 ලබාගත් අතර සජිත් ප්‍රේමදාස මහතා ඡන්ද 4363035 ලබා ගත්තේය. 

මේ අනුව අනුර කුමාර සජිත් ප්‍රේමදාස මහතාට වඩා ඡන්ද 1271880ක් ලබා ගත්තද අපේක්ෂකයන් දෙදෙනාගෙන් කිසිවකුට සියයට 50කට වඩා වැඩි ඡන්ද ප්‍රමාණයක් නොලැබුණු නිසා, දෙවනු මනාපය  ගණන් කිරීමට මැතිවරණ කොමිසම කටයුතු කළේය. 

මෙවර ජනාධිපතිවරණයේදී ශ්‍රී ලංකා දේශපාලන ඉතිහාසයේ කිසිවකු සියයට පනහකට වඩා වැඩි ඡන්ද සංඛ්‍යාවක් ලබා නොගත් පළමු අවස්ථාව මෙයයි. 

දෙවනුව මනාප ගණන් කිරීමේ දී සජිත් ප්‍රේමදාස මහතා ඡන්ද 167867 ක් ද අනුරකුමාර දිසානායක මහතා ඡන්ද 105264 ක් ද ලබා ගත්හ. 

ඒ ආකාරයට ජාතික ජන බලවේගය වෙනුවෙන් දෙවැනි වරටත් ජනාධිපතිවරණයට ඉදිරිපත් වූ අනුරකුමාර දිසානායක මහතා අතිරේක ඡන්ද 1377144ක් ලබා ගනිමින් මැතිවරණය ජයග්‍රහණය කර ශ්‍රී ලංකාවේ 9වැනි විධායක ජනාධිපතිවරයා ලෙස දිවුරුම් දුන්නේය. 

ශ්‍රී ලංකා දේශපාලන ඉතිහාසය තුළ මෙම මැතිවරණය හරහා පවුලේ හෝ අධිපති පන්තියේ පාලන තන්ත්‍රයන්ට මරණාසන්න වූ පිරිස් System Change කෝණයෙන් සිතා ඡන්දය ප්‍රකාශ කර ඇති බව පැහැදිලිය. 

ජාතික ජන බලවේගයට සහ එහි නායක අනුරකුමාර දිසානායකට ජනතා සහයෝගය වැඩි වීමට හේතුව ආර්ථික අර්බුදයෙන් පසු ‘අරගලය’  විය හැකිය!

ශ්‍රී ලංකාවේ පැරණි දේශපාලන සංස්කෘතිය වෙනස් කිරීමට තරුණ පරම්පරාවේ සටන්කරුවෙකු ලෙස බහුතර සමාජයේ පහළ සිට පැමිණි අනුරකුමාර දිසානායක! 

පාලන තන්ත්‍රයේ සදාචාරාත්මක ගුණාංග පසෙකලා සිංහාසනයේ හිඳගෙන සිටීමට ගෙන ඇති දේශපාලන සංස්කෘතිය පසුගිය කාලයේ මේ රටේ ජීවත්වන ත්‍රිවිධ ජනවර්ගයේ සමගියත් ආර්ථිකයත් කඩාකප්පල් කර රට දැවැන්ත ණය බරකට ඇද දමා ඇත.

මෙවන් මලාපවාහන දේශපාලනය උදුරා දමා නව දේශපාලන යුගයක් නිර්මාණය නොකළහොත් ශ්‍රී ලංකාවට සමෘද්ධියක් නැත;  දූෂිත පරිපාලනය, දුර්වල අධිකරණ පද්ධතිය සහ සදාචාර විරෝධී දේශපාලන සංස්කෘතිය වෙනස් කිරීමට මෙවර ජනාධිපතිවරණයේදී අනුරකුමාර දිසානායකට ජනතාව දේශපාලන ආශිර්වාදය ලබාදී තිබීම සතුටට කරුණකි!

"ශ්‍රී ලංකාව පෙර නොවූ විරූ ආර්ථික අභියෝගවලට මුහුණ දී සිටින බැවින් එහි ඉදිරි ගමන පහසු එකක් නොවේ. නමුත් අපි එක්ව කටයුතු කළහොත් අපට නව ආරම්භයක් කළ හැකියි. රට පුනර්ජීවනය කිරීම සඳහා ජාතික පුනරුදයක් සඳහා ඒකාබද්ධ ප්‍රයත්නයකට මා හා එක්වන ලෙස මම ඔබට ආරාධනා කරනවා" යැයි අනුරකුමාර දිසානායක මහතා පැවසුවේ මෙවර ජනාධිපතිවරණයේ දී ජනතා සහය අපේක්ෂාවෙනි. 

අවංකව සහ නොසැලෙන කැපවීමෙන් ආර්ථික අර්බුදයට මුහුණ දීමේ වැදගත් කාර්යයට ඔහු සමඟ එක්වීමෙන් රට තුළ යහපත් වෙනසක් ඇති කිරීමට හැකි වනු ඇතැයි ඔහුගේ අපේක්ෂාව විය.

යහපාලනය අසාර්ථක වීම, සුළු ජාතීන්ට එරෙහි මර්දන මාලාව, රටේ පවතින ආර්ථික තත්ත්වය ඇතුළු තවත් බොහෝ කරුණු අනුර කුමාරට ජනතා ප්‍රසාදය වැඩි කළා! 

ජාතික ජන බලවේගය සුළුතරයක් නොවන පක්ෂයක් බව බොහෝ දෙනෙකුට සිතීමට විකල්පයක් නැත.  එලෙසම සුළු ජාතික ජනතාව ජනාධිපති අපේක්ෂක අනුරකුමාර දිසානායක මහතා කෙරෙහි පවා විශ්වාසය තබා ඇත. 

බහුතර සිංහල ඡන්ද තුනෙන් හෝ ඊට වැඩි ගණනකින් බෙදී ගිය අතර සුළු ජාතික ඡන්දයද  ලබා ගනිමින් අනුර කුමාර මැතිවරණයෙන් විශිෂ්ට ලෙස ජයග්‍රහණය කළේය. 

නව ජනාධිපතිවරයා ලෙස දිවුරුම් දුන් අනුර දිසානායක මහතා අතීතයේ දූෂිත වූ ශ්‍රී ලංකාව ප්‍රතිසංස්කරණය කර දූෂණයෙන් තොර රටක් ගොඩනැගීමට කැපවීමෙන් කටයුතු කරනු ඇතැයි සමස්ත ශ්‍රී ලාංකිකයන්ගේ අපේක්ෂාවයි!

නව ජනාධිපතිවරයාට සුබ පැතුම්!

 I.A. සත්තාර්.

 nisshin88@gmail.com