වැඩ බලන පොලිස්පති ප්‍රියන්ත වීරසූරිය මහතා!

ව්‍යවස්ථාපිත ජනවරමට අනුව ජනාධිපති අනුරකුමාර දිසානායක මහතා විසින්  වැඩ බලන පොලිස්පතිවරයා ලෙස ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා පත් කර තිබේ. 

ජනාධිපති ලේකම් නන්දික කුමානායක මහතා විසින් සැප්තැම්බර් 27 වැනි දින ජනාධිපති ලේකම් කාර්යාලයේදී  පත්වීම් ලිපිය භාර දෙන ලදී. 

පසුගිය ජූලි මාසයේදී ශ්‍රේෂ්ඨාධිකරණය විසින් වැඩ තහනම් කරනු ලැබූ දේශබන්දු තෙන්නකෝන් මහතා වෙනුවට වැඩබලන පොලිස්පතිවරයා ලෙස ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා පත් කර තිබීම විශේෂත්වයකි. 

පළමු සුදුසුකම වන්නේ ඔහුගේ අවංකකම සහ දූෂණය වැළැක්වීම සඳහා නොබියව කතා කිරීමට ඇති හැකියාවයි.  මේ නිසා ඔහුට නැවත නැවත ස්ථාන මාරුවීම් ලැබුණු අවස්ථාද තිබුණි. 

ප්‍රියන්ත වීරසූරිය මහතා පොලිස් සේවයේ යෙදී සිටින කාලය තුළ සියලු කටයුතුවලදී දැක්වූ දායකත්වය, අධ්‍යාපන සුදුසුකම් සහ අවංකභාවය;  විශේෂයෙන්ම පොලිසිය සැමවිටම අවංක විය යුතුය යන ඔහුගේ හොඳ හිත නිසා ඔහු මේ තනතුරට පත් වී ඇත.

1969 පෙබරවාරි 9 වැනිදා උපත ලද ඔහුට කුඩා වියේදීම පියාගේ ආදරය අහිමි විය.  දැඩි ආර්ථික දුෂ්කරතා මධ්‍යයේ මව විසින් හැදී වැඩුණු ප්‍රියන්ත වීරසූරිය මහතාට ආර්ථික දුෂ්කරතා හේතුවෙන් සාමාන්‍ය සාමාර්ථයකින් පසු ඔහු තම අධ්‍යාපනික ගමන නවතා පොලිසියට බැඳුණි. 

1988 දී කුරුඳුවත්ත පොලිස් ස්ථානයේ සේවය කළ ඔහු කොළඹ විශ්වවිද්‍යාලයට ගොස් බාහිර උපාධි අංශය අනුගමනය කළේය. උසස් පෙළ සමත් වීමේ කුසලතාව මත ඔහු උප පොලිස් පරීක්‍ෂක විභාගයද සමත් විය. 

ප්‍රියන්ත වීරසූරිය  මහතා උපාධිය අවසන් කිරීමෙන් පසු සහකාර පොලිස් අධිකාරී විභාගයට පෙනී සිට, එයද සමත් විය. 

නීතීඥයෙකු ලෙස දිවුරුම් දුන් ප්‍රියන්ත වීරසූරිය  මහතා පසුව පොලිස් සේවයේ ක්‍රමානුකූලව ඉදිරියට ගොස් ජ්‍යෙෂ්ඨ නියෝජ්‍ය පොලිස් අධිකාරී තනතුර දක්වා උසස්වීම් ලැබුවා. 

අනුරකුමාර දිසානායක මහතා නව ජනාධිපතිවරයා ලෙස පත්කිරීමත් සමඟම පොලිස්පතිවරයාගේ වැඩකටයුතු අධීක්‍ෂණය කිරීමට කෙනෙකු පත්කිරීම ජනාධිපතිවරයාගේ දැවැන්ත කාර්යයක්.

 

ඒ සඳහා සුදුස්සන් කවුරුන්ද යන්න පිළිබඳව කළ විමසීමේදී ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතාගේ නම වැඩිපුර සඳහන්වීය! 

මුලින් සඳහන් කළ පරිදි ඔහුගේ අවංකකම, පළපුරුද්ද, ක්‍රමානුකූලව උසස්වීම්, විවිධ නිලධාරීන් සමඟ සුහඳව කටයුතු කිරීම සහ අධ්‍යාපන සුදුසුකම් ආදිය නිසා ඔහු වැඩ බලන පොලිස්පතිවරයා ලෙස පත් කර තිබීම විශේෂත්වයකි!

ප්‍රියන්ත වීරසූරිය මහතාට සුභ පැතුම්!

I. A.  සත්තාර්.